რომელი ტიპის დანებია საუკეთესო თავდაცვისთვის?

უძველესი დროიდან, ადამიანისთვის დანა ეფექტური და საიმედო თავდაცვის საშუალებაა, რომელიც კრიტიკულ სიტუაციაში ძალიან გამოსადეგია. თუმცა აუცილებელია ისიც გააცნობიეროთ, რამხელა პასუხისმგებლობას იღებთ თავზე, როდესაც ამ იარაღს ირჩევთ. მნიშვნელოვანია, დანის სწორად არჩევა, თქვენივე უსაფრთხოებისთვის. მედანეს საიტზე შეგიძლიათ სწრაფად და მარტივად შეიძინოთ სხვადასხვა ტიპის, ცნობილი ბრენდების დანები, რათა თავი უსაფრთხოდ იგრძნოთ. დღევანდელ ბლოგში განვიხილავთ, რომელი ტიპის დანებია საუკეთესო თავდაცვისთვის და რა ფაქტორები უნდა გაითვალისწინოთ მათი არჩევისას.

რა უნდა გავითვალისწინოთ დანის არჩევის დროს?

თავის დასაცავად დანის არჩევის დროს რამდენიმე ფაქტორია გასათვალისწინებელი. პირველ რიგში, იარაღის ზომას მიაქციეთ ყურადღება. შედარებით მცირე ზომის დანა უფრო მარტივად სატარებელი და შესაბამისად, მოსახერხებელია. გასათვალისწინებელია დანის პირის ფორმაც. სწორი, ბასრ-პირიანი დანები უფრო მარტივად და სუფთად ჭრის. ხოლო დაკბილული პირის მქონე იარაღი მეტ ზიანს აყენებს ქსოვილს, კანს, კუნთებსა და ორგანოებს. ასევე მნიშვნელოვანია, დანის პირი შედარებით სქელი იყოს, რათა არ გატყდეს. 

აუცილებლად მიაქციეთ ყურადღება, რა მასალისგანაა გაკეთებული დანის პირი. ყველაზე სანდო დანები ძირითადად შედგება D2 ან S30V2 ფოლადისგან. 

ამასთან, კანონის ცოდნა ყოველთვის მნიშვნელოვანია. შეძენამდე გაითვალისწინეთ რა ტიპის დანის ტარების უფლება გაქვთ და რას გიზღუდავთ კანონი. დანის გამოყენებას შესაბამისი ცოდნა სჭირდება. არსებობს ყოველდღიური დანები, რომლის გამოყენება მარტივია, თუმცა ზოგიერთი მოდელის შემთხვევაშიშესაბამისი ტრენინგია საჭირო. 

დანის ტიპები თავდაცვისთვის

დანის შერჩევისას ძალიან  მნიშვნელოვანია სწორი და თქვენთვის კომფორტული ტიპის იარაღის შეძენა. ამიტომ განვიხილოთ სხვადასხვა ტიპის დანები. 

ფიქსირებული 

ზოგადად, ფიქსირებული დანები ყველაზე სანდოა თავდაცვისთვის. სწრაფია, რადგან გამოსაყენებლად ყოველთვის მზადაა. არ აქვს მოძრავი ნაწილები, რომელმაც შესაძლოა ხელი შეგიშალოთ. თუმცა, გაითვალისწინეთ, რომ რთული დასამალია და ხშირად, ბევრ ადგილას არალეგალურია ამ ტიპის დანის ტარება. მედანე სხვადასხვა ცნობილი ბრენდის ფიქსირებულ დანებს გთავაზობთ. ჩვენთან შეხვდებით  BUCK -ს, CIVIVI-სა და სხვა სანდო მწარმოებლის პროდუქციას.

დასაკეცი

დასაკეცი დანები შესანიშნავი არჩევანია, რადგან მარტივად დამალავთ, ჯიბეშიც შეგიძლიათ ჩაიდოთ. მსგავსი ტიპის დანა თითქმის ყველგან ლეგალურია და მარტივი სატარებელია. გასათვალისწინბელია, რომ ფიქსირებულთან შედარებით ნელია, რადგან მისი გაშლა გიწევთ, რასაც ცოტა დრო მიაქვს.

ტაქტიკური

ტაქტიკური დანები გამძლეა და სწრაფი გამოყენებისთვის იდეალურია. სტრესული სიტუაციებისთვისაა შექმნილი და სწორედ ამიტომ ლაშქრობის მოყვარულები და მონადირეები ხშირად ამ ტიპის დანას ანიჭებენ უპირატესობას. თუმცა, ხშირ შემთხვევებში მისი ტარება აკრძალულია. გარდა ამისა, მისი სწორად გამოყენებისათვის შესაბამისი ცოდნაა საჭირო.

სხვა სახის თავდაცვის საშუალებები

დანის გარდა, უამრავი სხვადასხვა სახის თავდაცვის საშუალების შეძენა შეგიძლიათ. ერთ-ერთი ყველაზე პოპულარული არჩევანი წიწაკის სპრეია. მისი გამოყენება 2-3 მეტრის დისტანციიდან შეგიძლიათ, აქვს მოკლევადიანი ეფექტი და ფატალურ შედეგს არ იწვევს. თუმცა გასათვალისწინებელია, რომ წიწაკის სპრეის გამოყენებისას შესაძლოა თქვენც დაზარალდეთ, მაგალითად ქარიანობის შემთხვევაში. დაიმახსოვრეთ, რომ მისი გამოყენება დახურულ სივრცეში არ შეიძლება.

მეორე ყველაზე უსაფრთხო თავდაცვის საშუალება ტაქტიკური ფანარია. ძლიერი შუქი თავდამსხმელს მხედველობას უზღუდავს, რაც გაქცევის ან სხვა ქმედების საშუალებას გაძლევთ. მას ხშირად იყენებენ მონადირეები და ჯარისკაცები.

შეჯამება

დანა თავდაცვის ერთ-ერთი ყველაზე ეფექტური საშუალებაა, თუმცა მისი გამოყენება დიდ პასუხისმგებლობას მოითხოვს. როგორც უკვე განვიხილეთ, სხვადასხვა ტიპის დანები განსხვავებულ სიტუაციებსა და მოთხოვნილებებს ერგება. ფიქსირებული დანები სანდოობითა და სწრაფი გამოყენებით გამოირჩევა, დასაკეცი კი მარტივად სატარებელი და ბევრად კომფორტულია. ტაქტიკური დანები იდეალურია მათთვის, ვინც სტრესულ სიტუაციებში გადაწყვეტილებებს მარტივად იღებს. დანის შეძენამდე აუცილებელია კანონიერი შეზღუდვები გაითვალისწინოთ,შესაბამისი ტრენინგი გაიაროთ და დანის გამოყენების შედეგები გააცნობიეროთ.

მედანეს საიტზე სხვადასხვა ტიპის, მაღალი ხარისხის დანებსა და სხვა თავდაცვის საშუალებებს შეხვდებით. გახსოვდეთ, რომ თავდაცვის საუკეთესო გზა კონფლიქტის თავიდან აცილებაა.