როგორ მოვუაროთ დანებს
დანა ერთ-ერთი ყველაზე საჭირო და მრავალფუნქციური იარაღია, რომელიც ყოველდღიურ ცხოვრებაში გვჭირდება – იქნება ეს სამზარეულოში, ბუნებაში თუ პროფესიულ საქმიანობაში. სწორი მოვლა ფუნქციურობას ახანგრძლივებს და მათ უსაფრთხო და ეფექტურ გამოყენებას უზრუნველყოფს. მედანეს საიტზე შეგიძლიათ დანის მოვლის საშუალებების შეძენა. ჩვენთან უმაღლესი ხარისხის დანის ზეთებს, ლუბრიკანტებს, სალეს ქვებსა და მასათებს შეხვდებით. დღევანდელ ბლოგში განვიხილავთ, როგორ ვიზრუნოთ სხვადასხვა ტიპის დანებზე.
სამზარეულოს დანები
სამზარეულოს დანა ყოველდღიური ცხოვრების განუყოფელი ნაწილია. ფუნქციურობის შესანარჩუნებლად მას შესაბამისი მოვლა სჭირდება, რაცრამდენიმე მნიშვნელოვან ეტაპს მოიცავს:
გასუფთავება
- ყოველი გამოყენების შემდეგ თბილი წყლითა და საპნით გარეცხეთ.
- არ გარეცხოთ ჭურჭლის სარეცხი მანქანით – ძლიერი სარეცხი საშუალებები და მაღალი ტემპერატურა აზიანებს როგორც დანის პირს, ისე სახელურს.
- გაწმინდეთ და კარგად გააშრეთ, რათა ჟანგი არ გაუჩნდეს.
ლესვა
- დანის სრულად გალესვა მხოლოდ მაშინაა საჭირო, როცა ბლაგვდება. ამ შემთხვევაში გამოიყენეთ სალესი ქვა, მასათი ან პროფესიონალური სალესი მოწყობილობა.
- მოერიდეთ მინის ან კერამიკის საჭრელი დანების გამოყენებას – ისინი დანას სწრაფად აბლაგვებენ.
შენახვა
- დანის ბასრი პირის შესანარჩუნებლად, შეინახეთ დანის სტენდში ან მაგნიტურ ზოლზე.
- მოერიდეთ დანების უჯრაში შენახვას, ასე დანის პირი მარტივად ზიანდება.
სანადირო და სალაშქრო დანები
ლაშქრობისა და ნადირობისათვის საჭირო ატრიბუტებს შორის, დანა უმნიშვნელოვანესია. საველე პირობებში ეს იარაღი არაერთ შემთხვევაში დაგჭირდებათ. მათი მოვლის წესები შემდეგნაირია:
გასუფთავება
- გამოყენების შემდგ აუცილებელია თბილი წყლითა და საპნით რეცხვა.
- თუ დანა ნესტიან გარემოში იყო, გაამშრალეთ და ჟანგის ასარიდებლად, თხელი ზეთის ფენა წაუსვით.
ლესვა
- სანადირო და სალაშქრო დანებისათვის საუკეთესოა სალესი ქვის ან დაფის გამოყენება.
- გალესვის შემდეგ სიბასრე ქაღალდის გაჭრით შეამოწმეთ.
შენახვა
- კოროზიისგან დასაცავად ტყავის ბუდეში, მშრალ ადგილას შეინახეთ.
ჯიბისა და ყოველდღიური მოხმარების დანები
ჯიბისა და ყოველდღიური მოხმარების ტიპის დანები ძირითადად დასაკეცია. შესაბამისად, ოდნავ მეტი და განსხვავებული მოვლა სჭირდება.
გასუფთავება
- რეგულარულად გაასუფთავეთ, განსაკუთრებით საკვების ან სხვა მასალის დაჭრის შემდეგ.
- საკეცში დაგროვილი ჭუჭყის მოსაშორებლად კბილის ჩხირი ან შეკუმშული ჰაერი შეგიძლიათ გამოიყენოთ.
მოძრაობის გამარტივება
- დასაკეც დანებს დროთა განმავლობაში მექანიზმი უცვდებათ, შესაბამისად, აუცილებელია, დანის ლუბრიკანტის ან ზეთის წასმა.
ლესვა
- რეგულარულად გამოიყენეთ პატარა სალესი ქვა ან ჯიბის სალესი.
შენახვა
- როდესაც არ იყენებთ, შეინახეთ მშრალ და გრილ ადგილას.
- თუ ყოველდღიურად თან დაგაქვთ, კვირაში ერთხელ მაინც გაწმინდეთ.
ზოგადი რჩევები დანის მოვლისთვის
- ნებისმიერი დანის ტიპი გამოიყენეთ შესაფერისი დანიშნულებით. მაგალითად, სამზარეულოს დანის გამოყენება მუყაოს ან მყარი მასალების საჭრელად არ შეიძლება.
- შეინახეთ სწორად, მშრალ ადგილას, რათა თავიდან აირიდოთ დაჟანგება. კარგად მოვლილი დანა უფრო გამძლე და ფუნქციურია.
- გალესეთ რეგულარულად: ბასრი დანა უფრო უსაფრთხოა, ვიდრე ბლაგვი, რადგან დაჭრისთვის ნაკლები ძალა სჭირდება.
შეჯამება
დანები ჩვენი ყოველდღიურობის ნაწილია და შესაბამისად აუცილებელია მათი მოვლა ვიცოდეთ. სწორი საწმენდი საშუალებებით გასუფთავება, გალესვა და მშრალ ადგილას შენახვა, დანის ეფექტურობასა და გამოყენებას გაახანგრძლივებს. მედანეს საიტზე შეგიძლიათ შეიძინოთ უამრავი სხვადასხვა სახის დანა და მათი მოვლის საშუალებები.