რამდენად მარტივად შეიძენ ცივ იარაღს საქართველოში

საქართველოში ცივი იარაღის შეძენა-შენახვა-ტარება მკაცრად რეგულირდება. კანონმდებლობის დარღვევის შემთხვევაში, მოქმედებს შესაბამისი სანქციები, თუმცა ამისთვის, აუცილებელია, საგანი ცივ იარაღად კვალიფიცირდეს. რა ტიპის საგანი მიიჩნევა კანონით ცივ იარაღად? ვის აქვს საქართველოში იარაღის ტარების უფლება? რამდენად თავისუფალია იარაღის რეალიზაცია? დღეს ვეცდებით სწორედ ამ კითხვებს გავცეთ პასუხები. ამ ინფორმაციის ცოდნა დაგეხმარებათ თავიდან აირიდოთ არასასურველი იურიდიული პრობლემები.

რა მი­იჩ­ნე­ვა ცივ ია­რა­ღად კანონმდებლობით

„იარაღის შესახებ“  საქართველოს კანონის მიხედვით, ცივი იარაღი წარმოადგენს საგანს, რომლის მოქმედებაც  ხორციელდება ადამიანის ფიზიკური ძალით და რომელიც განკუთვნილია უშუალო შეხებით ობიექტის დასაზიანებლად. შესაბამისად, ცივ ია­რა­ღად შე­იძ­ლე­ბა ჩა­ით­ვა­ლოს რო­გორც დასაკეცი დანა, ისე კას­ტე­ტი და ნე­ბის­მი­ე­რი სხვა სა­შუ­ა­ლე­ბა, რა­საც მოქ­მე­დე­ბის­თვის ადა­მი­ა­ნის ფი­ზი­კუ­რი ძალა ესა­ჭი­რო­ე­ბა. იმის დასადგენად, რამდენად კვალიფიცირდება საგანი ცივ იარაღად, ორი მნიშვნელოვანი ფაქტორია გასათვალისწინებელი – ინსტრუმენტი უნდა იყოს მჭრელი და მჩხვლეტავი. ორივე ეს მახასიათებელი მეტ-ნაკლებად შედარებითია, შესაბამისად, ხშირად რთულდება იმის განსაზღვრა, რა მიიჩნევა ცივ იარაღად. ასეთ დროს, გადამოწმების მიზნით შეგიძლიათ მიმართოთ ლევან სამხარაულის სახელობის სასამართლო ექსპერტიზის ეროვნულ ბიუროს და მათი დასკვნის მიხედვით იხელმძღვანელოთ.

ვის აქვს ცივი იარაღის შეძენა-შენახვა-ტარების უფლება

ცივი იარაღით სარგებლობის წესები რეგულირდება ადმინისტრაციულ სამართალდარღვევათა და სისხლის სამართლის კოდექსით. კანონის მიხედვით ფიზიკური პირის მიერ ცივი იარაღის შეძენა-შენახვა-ტარება  საქართველოს უფლებამოსილი სახელმწიფო ორგანოს სათანადო ნებართვის საფუძველზე დაიშვება. ამასთან, ლიცენზია არ გაიცემა 21 წლის ასაკს მიუღწეველ პირზე. იარაღის შეძენა ასევე ეკრძალება მოძალადეს დამცავი, შემაკავებელი და იარაღთან დაკავშირებული უფლებების შეზღუდვის ორდერების მოქმედების პერიოდში ან დამცავი და შემაკავებელი ორდერებით განსაზღვრულ პერიოდში. ნებართვის გარეშე იარაღით ვაჭრობას, დამზადებას, შეძენას, შენახვას ან ტარებას, აკონტროლებს საქართველოს შინაგან საქმეთა სამინისტროს უფლებამოსილი სამსახურები.

ცივი იარაღის შენახვა-ტარების წესები

ად­მი­ნის­ტრა­ცი­ულ სა­მარ­თალ­დარ­ღვე­ვა­თა კო­დექ­სის 181-ე მუხ­ლის თა­ნახ­მად, ქუ­ჩა­ში, ეზო­ში, სტა­დი­ონ­ზე, სკვერ­ში, პარკში, სა­კონ­ცერ­ტო დარ­ბაზ­ში, კა­ფე­ში, რეს­ტო­რან­ში, ყვე­ლა სა­ხის სა­ზო­გა­დო­ებ­რივ ტრან­სპორ­ტში, რკი­ნიგ­ზის სად­გუ­რებ­სა და სა­ზო­გა­დო­ებ­რი­ვი თავ­შეყ­რის ად­გი­ლებ­ზე ცივი ია­რა­ღის ტა­რე­ბა 500 ლა­რის ოდე­ნო­ბით და­ჯა­რი­მე­ბას იწ­ვევს.  იმავე ქმედების განმეორებით ჩადენა 1 წლის განმავლობაში გამოიწვევს დაჯარიმებას 1000 ლარის ოდენობით ან ადმინისტრაციულ პატიმრობას 15 დღე-ღამემდე ვადით. პი­რის სის­ხლის სა­მარ­თლებ­რი­ვი პა­სუ­ხის­მგებ­ლო­ბა მა­შინ დგე­ბა, რო­დე­საც ცივი ია­რა­ღით მისი მე­სა­მედ და­ფიქ­სი­რე­ბა ხდე­ბა.

ეს მუხლი არ ვრცელდება იმ პირზე, რომელიც ცივ იარაღს ატარებს:

ა) პირადი ჰიგიენის მოწესრიგების მიზნით;

ბ) საკვების მომზადების ან/და მიღების მიზნით;

გ) თავისი პროფესიული საქმიანობის განხორციელების მიზნით;

დ) ნადირობის, თევზაობის ან/და მცენარეული პროდუქტების შეგროვების მიზნით;

ე) სასოფლო-სამეურნეო საქმიანობის ან/და მესაქონლეობის განხორციელების მიზნით;

ვ) იმ დროს, როდესაც აცვია ეროვნული ტანსაცმელი და ცივი იარაღი (ხანჯალი, ხმალი და სხვა) ამ ტანსაცმლის ნაწილია.

შეჯამება

როგორც ხედავთ, ცივი იარაღის შეძენა, შენახვა და ტარება საქართველოში მკაცრად რეგულირდება. შესაბამისი წესების დაცვა აუცილებელია სამართლებრივი პრობლემების თავიდან ასაცილებლად. როდესაც მოქალაქემ იცის თავისი უფლებები და ვალდებულებები, მას შეუძლია კანონის ფარგლებში თავისი და სხვების უსაფრთხოების დაცვით თავისუფლად მოქმედება.