ნივთის შეძენის, მიწოდებისა და დაბრუნების პოლიტიკა

წინამდებარე დანართით განსაზღვრულია წესები იმის შესახებ, თუ:

1. Medane.ge -ზე განთავსებული ნივთების შეძენისა და მიწოდების წესი.
2. Medane.ge -ზე შეძენილი ნივთების დაბრუნების წესი. 

1. Medane.ge -ზე განთავსებული ნივთების შეძენისა და მიწოდების წესი.

Medane.ge -ზე ნივთის შეძენა გულისხმობს Medane.ge -ზე სარეალიზაციოდ განთავსებული  ნივთის განცხადებაში არსებულ ღილაკზე „შეძენა“ მომხმარებლის მიერ გადასვლას, ბარათის მონაცემების შევსებას, მომხმარებლის მიერ წესებსა და პირობებზე დათანხმებას და თანხის გადახდის დასრულებას.

მომხმარებლის მიერ ნივთის შეძენისთვის არ არის სავალდებულო Medane.ge -ზე რეგისტრაცია. მომხმარებელს შესაძლებლობა აქვს გაიაროს რეგისტრაცია  Medane.ge -ზე და დაეთანხმოს წესებსა და პირობებს ან/და ნივთის შეძენისას რეგისტრაციის გარეშე ყოველ ჯერზე დაეთანხმოს შეძენამდე წესებსა და პირობებს და შეიძინოს ნივთი.

Medane.ge -ზე მიწოდების სერვისი მოქმედებს მთელი საქართველოს მასშტაბით. თბილისში შეკვეთილი პროდუქცია ადგილზე მოგეწოდებათ შეკვეთის განხორციელებიდან 1-3 სამუშაო დღის განმავლობაში, ხოლო რეგიონებში 2-7 სამუშაო დღის განმავლობაში. საკურიერო მომსახურების საფასურია თბილისში 6 ლარი, ხოლო რეგიონებში – 10 ლარი. 200 ლარიდან შენაძენის შემთხვევაში მიწოდება უფასოა მთელი საქართველოს მასშტაბით.

1. Medane.ge -ზე შეძენილი ნივთების დაბრუნების წესი.

• პროდუქტის უკან დაბრუნება შესაძლებელია მხოლოდ იმ შემთხვევაში, თუ პროდუქტის მახასიათებლები არ ემთხვევა საიტზე არსებულ აღწერას ან პროდუქტი დაზიანებული/ნაკლიანია.

თუ მომხმარებელს ვეგვერდზე წარმოდგენილთან შეუსაბამო ან დაზიანებული/ნაკლიანი ნივთის დაბრუნება სურს, იგი ვალდებულია შეუსაბამობის/ნაკლის/დაზიანების შესახებ წარადგინოს განცხადება კომპანიასთან ნივთის მისთვის მიწოდებიდან  არაუგვიანეს 24 (ოცდაოთხი) საათის განმავლობაში. თუ წინამდებარე ვადაში მომხმარებელი არ შეატყობინებს კომპანიას ნივთზე არსებული ნაკლის/დაზიანების შესახებ კომპანიას სრული უფლება აქვს უარი განაცხადოს ასეთი ნივთის დაბრუნებაზე.

ნივთის დაბრუნების პროცესის წამოსაწყებად, საჭიროა მომხმარებელმა ხსენებულ განცხადებას თან დაურთოს შეკვეთის ნომერი, გადახდის დამადასტურებელი დოკუმენტი. ასევე, ნივთის დასაბრუნებლად საჭიროა ნივთს თან ახლდეს შეძენის დროს გადაცემული ყველა თანმხლები ნაწილი და დოკუმენტი, ასეთის არსებობის შემთხვევაში. (საგარანტიო ფურცელი, ნივთის თანხმლები სხვა დოკუმენტები, ნივთის დაუზიანებელი ყუთი, აქსესუარები და სხვა).

მომხმარებლის მიერ განცხადების კომპანიის ელ.ფოსტაზე წარდგენიდან არაუმეტეს 5 (ხუთი) სამუშაო დღისა კომპანია შეგატყობინებთ გადაწყვეტილებას ნივთის უკან დაბრუნების შესახებ განცხადების დაკმაყოფილების ან არ დაკმაყოფილების შესახებ.

ნივთის დაბრუნების განცხადების წარდგენისას კომპანია უფლებამოსილია და მომხმარებელი ვალდებულია გადასცეს კომპანიას მოთხოვნილი დოკუმენტაცია/ფოტოსურათები/უშუალოდ ნივთი გამოსაკვლევად.

განცხადების დაკმაყოფილების შემთხვევაში მომხმარებლისათვის თანხის ანაზღაურება მოხდება გადაწყვეტილების მიღებიდან 14 (თოთხმეტი) კალენდარულ დღეში. ნივთის დაბრუნების ხარჯს ანაზღაურებს კომპანია. თანხის დაბრუნება მოხდება მხოლოდ უნაღდო ანგარიშსწორებით, იმ საბარათო ანგარიშზე ჩარიცხვის გზით, რომლითაც განხორციელდა შესყიდვა მომხმარებლის მიერ. მომხმარებელს ჩაერიცხება ნივთის საფასური და მიწოდების სერვისში გადახდილი თანხა (ასეთის არსებობის შემთხვევაში). განცხადების დაკმაყოფილების შემთხვევაში ნივთის დაბრუნება უნდა მოხდეს 1-5 სამუშაო დღეში.

ნივთის უკან დაბრუნების წესების შესაბამისად მომხმარებლის მიერ ნივთის დაბრუნების შესახებ წარდგენილი განცხადების/მოთხოვნის განხილვის/შემოწმების დროს თუ გამოიკვეთა და დადასტურდა, რომ კომპანიის მიერ მომხმარებლისათვის ნივთის მიწოდების/ჩაბარების შემდეგ ნივთის მდგომარეობა ნებისმიერი ფორმით გაუარესდა მომხმარებლის ბრალით კომპანია უფლებამოსილია უარი განაცხადოს ნივთის დაბრუნებაზე და მომხმარებელს შეუძლია წაიღოს ნივთი კომპანის მაღაზიიდან/სტენდიდან.