რჩევები დანების კოლექციონერებს

თუ დანები გაინტერესებთ და მათი შეგროვება გადაწყვიტეთ, სწორ ადგილას ხართ. დანების კოლექციონერობა გულისხმობს სხვადასხვა ტიპის დანების შეგროვებას, რომლებიც შესაძლოა დიზაინით, მასალით, ისტორიული წარსულით ან ფუნქციით განსხვავებოდეს. მედანეს საიტზე სხვადასხვა ტიპის დანების დიდი არჩევანია. ჩვენთან მარტივად და სწრაფად შეძლებთ ნებისმიერი სახის დანის შეძენას. დღევანდელ ბლოგში დანების დამწყები კოლექციონერებისთვის რჩევები გვაქვს. განვიხილავთ, როგორ ავარჩიოთ და მოვუაროთ ჩვენს საკოლექციო იარაღებს.

როგორ დავიწყოთ დანების კოლექცია?

პირველ რიგში, აუცილებელია დაფიქრდეთ, რა ტიპის დანები მოგწონთ – ფიქსირებული, დასაკეცი, მრავალფუნქციური თუ სხვა. იარაღი ასევე შესაძლოა ჯიბის, სანადირო, სამზარეულოს, ანტიკვარული ან ხელით დამზადებული იყოს. 

თითოეულ დანას თავისი ისტორია და ხასიათი აქვს. ამიტომ უნდა დარწმუნდეთ, ზუსტად რა ტიპის დანები მოგწონთ. არ დაგავიწყდეთ, რომ არჩევანში თავისუფალი ხართ და შეგიძლიათ სხვადასხვა ტიპის იარაღები შეაგროვოთ, მხოლოდ ისინი, რომლებიც მოგწონთ. თუმცა გაითვალისწინეთ, დანების შეგროვება ერთგვარი ინვესტიციაა და თემატური კოლექცია უფრო ღირებულია.

გარდა ამისა, მნიშვნელოვანია, სწორად დასახოთ ბიუჯეტი. როცა არჩევანის გაკეთება ხარისხსა და რაოდენობას შორის გიწევთ, უმჯობესია, ყოველთვის ხარისხს მიანიჭოთ უპირატესობა. აჯობებს, გქონდეთ რამდენიმე მაღალი ხარისხის დანა, ვიდრე, ბევრი, მაგრამ არც თუ ღირებული.

როგორ ავარჩიოთ ხარისხიანი დანები?

დანის არჩევისას ყურადღება მიაქციეთ რამდენიმე ძირითად ფაქტორს:

• ბრენდი: მნიშვნელოვანია ბრენდის ან შემქმნელის სანდოობაში დარწმუნდეთ. მედანეს საიტზე შეგიძლიათ ცნობილი ბრენდების, როგორებიცაა Buck, Böker, Cold Steel, Beretta საკოლექციო დანები მარიტვად და სწრაფად შეიძინოთ.
  
• მასალა: დანის პირი სასურველია, უჟანგავი ან დამასკოს ფოლადისგან იყოს დამზადებული, ხოლო ტარის მასალა – ხისგან ან ძვლისგან. დანის ღირებულებაზე ასევე დიდ გავლენას ახდენს მისი დიზაინი და ის, თუ რამდენად კომფორტულია ხელში ჭერისას.
  
• წარმომავლობა და დოკუმენტაცია: ნებისმიერი სახის დოკუმენტი დანის წარმომავლობის შესახებ და ავთენტურობის სერთიფიკატი იარაღს უფრო ღირებულს ხდის. დანა რაც უფრო იშვიათია, მით მეტად ფასობს.

აუცილებელია, არჩეული დანის ზედმიწევნით შესწავლა, რათა ყალბი ან დაბალი ხარისხის პროდუქციის შეძენა თავიდან აირიდოთ.

როგორ ვიზრუნოთ კოლექციაზე?

იმისთვის, რომ თქვენი კოლექცია იდეალურ მდგომარეობაში შეინარჩუნოთ, სწორი მოვლაა საჭირო. რომ არ დაჟანგდეს, დანები რეგულარულად, შესაბამისი საშუალებებით, გაწმინდეთ. შეინახეთ მშრალ და დაცულ ადგილას, სპეციალურ კაბინეტებში ან ყუთებში. დაზიანების თავიდან ასაცილებლად, ფრთხილად მოეპყარით. ამისთვის შესაბამისი ხელთათმანები შეგიძლიათ გამოიყენოთ.

კოლექციონერთათვის, წესრიგის შესანარჩუნებლად, დანების აღრიცხვა და დოკუმენტაციაა აუცილებელი. ჩაიწერეთ თითოეული დანის სახელი, მწარმოებელი, დამზადების მასალა, ასაკი და მდგომარეობა. იმის გარდა, რომ ჩანაწერის წყალობით ზუსტად გეცოდინებათ რა შედის თქვენს კოლექციაში, ასევე მიხვდებით რა აკლია. 

კოლექციონერობა როგორც გატაცება

დამწყებ თუ უკვე კარგად გამოციდლ კოლექციონერებს, ახალი აღმოჩენებისთვის და ცოდნის გასაღრმავებლად, მსგავსი გატაცების მქონე ადამიანებთან კომუნიკაცია სჭირდებათ. საქართველოს დანების მწარმოებელთა და კოლექციონერთა ასოციაცია ატარებს ღონისძიებებს, სადაც დაათვალიერებთ დანების სხვადასხვა კოლექციებს, გაიცნობთ საერთო ინტერესების მქონე ადამიანებს და შესაძლებლობა გექნებათ ახალი იარაღი შემატოთ თქვენს კოლექციას.  

შეჯამება

თუკი დანების არჩევისას სიფრთხილეს გამოიჩენთ, იარაღებს სათანადოდ მოუვლით და პერიოდულად მათ აღრიცხვასაც აწარმოებთ, აუცილებლად შეძლებთ ღირებული კოლექციის შექმნას. დანის არჩევისას ყურადღება მიაქციეთ მათ ტიპს, მასალას, ბრენდსა და დიზაინს. არჩევანი გემოვნებისამებრ შეგიძლიათ გააკეთოთ. თუმცა გაითვალისწინეთ, რომ დანების შეგროვება ერთგვარი ინვესტიციაა და თუ ერთ თემატიკას აარჩევთ, თქვენი კოლექცია უფრო ღირებული იქნება.